淡水河斗歌

《淡水河斗歌》文本歌词 一、 （男) 淡水河上有条桥， 桥下嘅鲤嫲大大条： 涯拿条钓鞭桥上企， 专等鲤嫲来吃钓。 有只阿妹行过桥， 一摇三摆好风骚。 行到涯身边吾愿走， 涯钓鞭一甩..... 吔............吔吔吔吔....... 哎呀！ 正好钩到 正好钩到佢嘅腰! 讲恁巧就有恁巧， 今罢彩事(运气)真系好! 姜大公钓鱼涯钓人， 伢嘅技术比佢高! 就好像 打牌摸到大红桃! 二、 (女） 俚只赖子恁撩刁， 有人养（生）来冇人教! 又拈花来又惹草， 见到妹仔仪就撩。 伢嘅老公系迟（杀）猪佬， 手上有把迟猪刀； 介年迟猪大比武， 佢一把猪刀 吔........吔吔吔吔..... 哎呀！ 一日迟猪 一日迟猪八十条! 做人吾好嘴恁嚣， 动手动脚就会挨刀， 劝仪还系挟滴（快点）走， 伢老公来哩（来到）仪命都冇! 吾知死！ 迟猪刀下寻风流! 三、 (男) 佢冇系路边嘅闲花草, 佢系高山嘅红辣椒! (女) 恁细嘅赖子吾学好, 撩撩刁刁得人恼! (男) 佢冇系路边嘅闲花草, 佢系高山嘅红辣椒! (女) 天生一只老鼠胆, 山猪也想学食潲! （男） 佢冇系路边嘅闲花草， 佢系高山嘅红辣椒! （女） 涯车只大炮吓吓佢， 把佢吓得尿都飙! （男） 佢冇系路边嘅闲花草, （女） 涯老公有把迟猪刀! （男） 佢系高山嘅红辣椒! （女） 爱命佢就挟滴（快点）走! （男） 哎呀红辣椒! (女) 吾走仪连命都冇! (男) 哎呀红辣椒!红辣椒! （白） 今-罢-就-了-啰!!! (第三段,女的紧迫男的边唱边下) --------------------------------------------------------- 注： 客家话的口语有些分得很细,比如普通话的“我”，客家话有时用“涯”：“涯系客家人。”　有时得用“伢(念第一声)”：“伢屋卡。”又如普通话里的“他”，客家话里有时用“佢”：“佢系脉介人？” 有时用念普通话的“加”音：“加屋卡在奈位？”举一反三，无法用文字来表达客家的口语，真正懂客家话的人是能分得出这些词的用法的，所以在念这些歌词时不要受文字的拘泥,要把歌词变成真正的客家话来念和唱，否则听起来就很难受。不信,试把上面几句话的第一个字换过来用,听起来就不舒服。